Күздің соңғы қолтаңбасы

 

Қыс та келді. Тайды тағы Күз серттен.

Қар жауып тұр күйге ұласып біз шерткен.

Қара жердің айғыз - айғыз келбеті,

Қара қойдың терісіндей тұз сепкен.

 

Өлді мезгіл, жете алмастан арманға аз,

Өзгермеген тек тәкәппар Тау маңғаз.

Қар астынан жылытады жанымды,

Кеше ғана күзге өкпелеп қалған Жаз.

 

Қаһарлы қыс, қаталсыз - ау, кекшілсіз...

Көңілдерден қоңыр мұңым көшті үнсіз.

Қара аспаннан аппақ ұлпа жаудырған,

Құлдық ұрдым Құдіретке еш мінсіз!

 

Жанарыңда жылт-жылт етіп шық күміс

Ай, қараша, қауысты құш,  үтті құш!..

Амалың жоқ, аманат ет арманды -

Алдымыздан ақ боз мініп шықты қыс..

 

Жүрегімде салқындық бар аздаған,

Салқын жүзбен көз тастайды әз - ғалам...

Күзге ғашық ақын едім қайтейін,

Күз туралы Оданы әлі жазбаған.

 

Санамдағы сағынышты бұғаулап,

Қарашадан қар ұшады қылаулап.

Біздің шерді тарқататын үн - түнсіз,

Күздің соңғы қолтаңбасы - мынау бақ.

Пікіріңізді жазыңыз...

  • жансая

    2013-02-13 23:17:22

    өлеңдеріңіз керемет адамның жан-дүниесін баурап алады екен.

    Пікірге жауап жазу

  • Салтанат

    2012-10-28 18:10:42

    Сәлеметсіз бе, Қалқаман ағай? Айт мубарак болсын! сізге қояр сұрағым: өлең жазу үшін шабытты неден аласыз, яғни не нәрсемен шабыттанасыз? рахмет!!! еңбегініңіз жемісті болсын!

    Пікірге жауап жазу

  • Гуля

    2012-10-11 15:46:31

    Өленіңіз өте әсерлі маған қатты ұнады

    Пікірге жауап жазу

  • жазира

    2012-10-05 07:40:06

    адамды ұйқасқан шумақтарымен еріксіз баурап алатын өте мағыналы өлең екен.

    Пікірге жауап жазу

  • Умама

    2011-12-26 03:13:55

    ағасы сізге сұрақ қойсам бола ма? (деп екі сұрақты қатар қойдым-ау?!)
    неліктен КҮЗге ғашықсыз?

    Пікірге жауап жазу