Күзгі өлең

 

Көңілде күлкі жоқ еш,

Келемін налып іштей.

Кездесу мүмкін емес,

...тек сендік сағыныш қой.

 

Қол бұлғап кеттің ұзап,

Қалғаны - қалың күдік.

Көз жасын төкті жылап,

Көк аспан жанымды ұғып.

 

Таныттым асқақ рең

Таба алмай сөзді лайық.

Қалауы басқа, білем,

Қарады көз мұңайып...

 

Сездің бе, сезбедің бе,

Өлмесін көзіңше үміт.

Өлеңнен өзге кімге

Сыр айтам өзімсініп?!

 

Бақ болып жолықпай кем

Бұйырған тағдыр бізге.

Көктемдей көрікті оймен

Қамалып қалдым күзде.

 

Қараша. Күз аптығып,

Суынған от тіршілік.

Үнсіздік... Ұзақ тұрып,

Тұманға кеттім сіңіп.

Пікіріңізді жазыңыз...

  • Валиева Мактина

    2012-11-02 18:42:33

    Өте керемет өлең!!! Тура маған арналғандай..........

    Пікірге жауап жазу

  • Абай Гүлмоншақ

    2012-05-22 12:15:11

    Керемет өлең!!!

    Пікірге жауап жазу

  • Сейтказы Асем

    2012-05-19 11:01:06

    Олендериниз жанга жакын, керемет екен, Сиздин шыгармашылыгынызга табыстар тилеймин, Онериниз орге жузсин!!!

    Пікірге жауап жазу

  • БАНУ

    2012-03-28 15:19:18

    керемет!!! Жаныма жакын олен екен, рахмет!

    Пікірге жауап жазу