Роберт Бернс (Шотланд ақыны)

Тұтқының болар едім...

Тұтқының да болар едім сенің мен,

Көзге әдемі көрінесің сүйкімді.

Бірақ саған көңілдес боп көрінген,

Көріп жүрсің күні – түні сый түрлі.

 

Махаббат пен мейірімге неліктен,

Жомарттық деп, немқұрайлы қарайсың?

Желге ұқсаған мінезіңмен желіккен,

Жан біткенді бақытыңа балайсың.

Бәз біреулер сен гүлсің деп алдай ма,

Өзгелерден көріп тағы көп артық.

Ал гүл сорлы солып бір күн қалмай ма,

Сәні менен хош иісін жоғалтып.

 

Гүл ғұмырдай сен де қауыз ашарсың,

Күн нұрындай шуақ тарап жүзіңнен.

Күнің бітсе жол үстінде жатарсың,

Мынау гүлдей сабағынан үзілген...

Пікіріңізді жазыңыз...