Роберт Бернс (Шотланд ақыны)

Қоштасарда

О, Элиза!

Қош бол енді, қоштасатын келді сәт,

Кешір, бәлкім сүйе алмадым сен құсап.

Өткел бермес толқыны асау өр мұхит,

Енді саған жайғаныммен кең құшақ.

 

Айрылысып, қайғы құшып қалсақ та,

Қатал тағдыр қарамайды мансапқа.

Мына өмірде мәңгі бірге болуға,

Біздің жүрек серт байласқан сол шақта.

 

Туған жерге жан алауын жандырған,

Ең бағалы қазынамсың қалдырған.

Оралмаймын енді қайтіп бұл жерге,

Оралсам да сен шықпайсың алдымнан.

 

Қоштасайық, қолыңды бер, келші енді,

Өзімменен алып кетем сол шерді.

Ақтық демім таусылғанша, қалшы сен,

Жүрегімнің лүпілін ап ең соңғы.

Пікіріңізді жазыңыз...