Роберт Бернс (Шотланд ақыны)

* * *

Орман, жасыл атырап,

Ойға батып тулайтын.

Жаңбыр жуған жапырақ,

Шуақты аңсап шулайтын.

 

Қайда сол жаз жайдарман,

Орман іші тып-тыныш.

Мамырлайтын майда арман,

Гүлге қонып шық күміс.

 

Көктем келіп балбырап,

Жаз жетсе де жасыл бақ.

Шаштың ағын ол, бірақ,

Қалай, қайтіп жасырмақ?

 

Қартайғанда түн ұзақ,

Ұйқысыз ой тербеткен.

Кетіп қалған тым ұзап,

Оралмайды ол көктем!

 

Пікіріңізді жазыңыз...